أعلن المغني والملحن عمرو مصطفى، عن موعد أولى حلقات برنامجه الجديد “هنحط على البرنامج”، والذي قال أنه سيقدمه للرد على الإعلامي الساخر باسم يوسف. وكتب مصطفى عبر صفحته الرسمية على موقع “فيس بوك”: يوم الجمعة القادم انتظروا الساعة العاشرة مساء، وهو نفس موعد عرض برنامج باسم يوسف على قناة mbc مصر وقد أثار هذا الإعلان موجه من التعليقات الساخرة في موقع تويتر:
@Mana_Mokaaaa لمآ عمرو مصطفى يعمل برنآمج آسمه ''هنحط ع آلبرنآمج حآطوآ عليك بدرى يآآ بعيد يآآ عممممرو
@mahmoudgfa هل فعلا حقيقى ان فى ناس مش هتتفرج على باسم يوسف وهتروح تتفرج على برنامج عمرو مصطفى هتبقى اكبر قصه حزينه فى التاريخ
@dr_ahmedsami1 بيقولو عمرو مصطفى هيعمل برنامج اسمه هنحط ع البرنامج وهيتعرض ف نفس الوقت .. يعنى مش كفايه انك عمرو وكمان اهبل
@esraasayed123 عمرو مصطفى هنحط ع البرنامج يوم الجمعه الساعه 10 ده لو قاصد ان محدش يتفرج عليه مش هيعمل كده يا اهبل خد فشار
@tarekseddik88 حتى لما تعمل برنامجك هتفدل برضو عمرو مع السلامة يا عمرو
@SamehMostafa16 المشكلة إن فعلا عمرو مصطفى كفنان موهوب جداا وألحانه حلوة ... بس يبطل الببى اللى فى دماغه دة
@MayahAmin المشكلة أن الناس هتتفرج على الاسفاف بتاعك على باسم او غيره عشان تسف عليك و ده بردو نجاح للبرنامج بتاعك بس انت بتهزء نفسك
@HarisMina حيعمل برنامج حنحط ع البرنامج حطت عليك مصيبه يا بعيد انا انته واد عمرو بصحيح انا حاسه انه عامل البرنامج مخصوص عشان باسم
@MshHader عمرو مصطفى قرر إنه يصور أول حلقه من برنامجه "هنحط عالى البرنامج" ولسه مقررش هيعرضه على أى قناه ابقا روح لطنط سما يا عمرو
@Sweet_Noran عمرو مصطفى لو قاصد يخسر مش هيعمل البرنامج فى نفس معاد باسم يوسف
@drmalaktaher26 انا سمعت ان عمرو مصطفى هعمل برنامج ضد باسم يوسف ,,, طب انا بعلن اهوه انى ضده ,, الصح انه ينفضله ويزبله
@Amir_Rached احنا فى زمن كل واحد ملوش اى تلاتة لزمة بيعمله برنامج
@samerrady عمرو مصطفى حب يعمل برنامج مش زى برنامج باسم يوسف وملوش علاقة بباسم اصلا قام عمل برنامج اسمة هنحط ع البرنامج ونفس البوستر بتاع باسم يوسف
@K0mol عمرو مصطفى بيجهز لبرنامج ساخر زى برنامج باسم يوسف بجمهور وعلى مسرح .. السؤال بقى .. مين اللى هيروح يتفرج على عمرو مصطفى فى برنامج كوميدى !
@RaymondaNan هههههههههههههههههه عمرو مصطفى بجد هيعمل برنامج ويسميه كدا؟!! هو مش برضه احنا مش فاضيين للهزار و ماينفعش نضحك و احنا بنحارب الإرهاب و كدا
@tahahosney عمرو مصطفى ده دماغه فى رحلة ولسه مرجعتش عامل برنامج اسمه هنحط على البرنامج
@abeerabeeer الطاهر عمرو مصطفى بيقولك هيحط على برنامج باسم يوسف_ اكيد هيستعين بالطاهرة سما المصرى الطيور عل اشكاها تقع _ فرجنا يا عمرو
@Bwahba23 عمرو مصطفى بيقول إن برنامجه الذي سيرد به على باسم يوسف سيكون خالي من أي ألفاظ نابية مع إن كلمة "هنحط" في الأصل نابية.
@m_sheposky عمرو مصطفى هو النسخة الذكورية من سما المصرى :). ولو أنى اشك فى حتة ذكورية دى
@rokaabdom طب بالنسبه للبرنامج اللى هيعملو عمرو مصطفى الواحد مش عارف يتفرج عليه عشان يضحك ع الهبل اللى هيعملو ولا يتجاهلو عشان ده اقل من اننا نتابعو؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
