أثار تكرار الرئيس المصري محمد مرسي لكلمة "شرعية" في خطابه الاخير الذي ألقاه بسبب الاحداث التي تشهدها مصر مؤخراً موجة من التعليقات التي لم تخلو من السخرية في مواقع التواصل الاجتماعي ومن اهم التعليقات:
- هو أول رئيس فى العالم ... بدون جيش بدون شرطة بدون قضاء بدون شعب ويقولك شرعية
- الجيش ضده والشرطة بتأمن معارضيه و القضاء عليه و كل مباني المحافظات اتقفلت وفوق كل دا أكتر من 30 مليون واحد نزل يعارضه ويقولك شرعية !!!
- كونوا شرعيين وأنتم تتحدثون عن أم الدنيا .. شرعية من المشروعية وهي الأساس والتي تكررت في خطاب مرسي مذ آخر تعداد 70مرة
- مرسي قال شرعية 56 مرة في خطاب أستمر حوالي نص ساعة يعني مرسي ماشي بمعدل 2 شرعية في الدقيقة
- مرسي قال كلمه "شرعية" امبارح اكتر من 30 مرة و ده من إحساسه انه معدش ليه أي شرعيه
-و هو خطاب مرسي كان إيه غير 60 أبداً و 102 لا بديل عن شرعية و 512 النظام السابق و 40 معنديش خيار
- شرعية شرعيتنا شرعت في شرعية شرعيتكم.. تقدر شرعية شرعيتكم تشرع في شرعية شرعيتنا زي ما شرعية شرعيتنا شرعت في شرعية شرعيتكم.. خطاب مرسي
- هما فهمو مرسي انه لما يقول شرعية كتير تكون شرعيته أكثر من السيسي
- مرسي مش هيموت موتة طبيعة.. هيموت موتة شرعية
- خطاب مرسي شرعية شرعية شرعية انتهي الخطاب
- ماظنش أي رئيس قادم هايستخدم كلمة شرعية دي خلاص. مرسي قضى عليها.
- ذكر كلمة شرعية سبعتلاف مرة وتناسى تماماً أن الشرعية للشعب اللي في الشوارع،مرسي بيتكلم كخاسر بائس لا حول له،ماعاهوش حد لا جيش لا شرطة لا شعب
- و كأن مرسي قال كلمة شرعية ٥٧ مرة كأنها كلمة سر للجماعة !!
- مرسي قال كلمة " شرعية " اكتر من عمرو دياب فأغنية "تجربة وعدت" عدت عدت عدت..
- الواحد كان نفسو في واد زي بتاع امير البحار الي كان بيضرب هنيدي على قفاة كل ما يقول نعم يكون واقف جنب مرسي و يديله على قفاه كل مايقول "شرعية"
- مرسي اوفر عشان قال شرعية كتير .. الشعب المصري ام الافورة عشان من امبارح ساب كل حاجة بتحصل في البلد ومسك في شرعية .. يعني هو هيجيبة من برا.
- والجدير بالذكر ان اللي حصل امبارح دا هيخلي نهاية مرسي اوسخ من القذافي ان شاء الله .. علشان يبقى يطلع يقولي 56 شرعية تاني
- الاسم محمد مرسي و الدلع محمد شرعية
- مرسي يتكلم عن الشرعية أكثر من سبعين مرة أي شرعية هذي التي ستثير الفتنه والقتال بين مؤيديه ومعارضيه الضرورة تبيح كل التشريعات يا مرسي ..!!
- للاجابة على سؤال الجماهير،و استجابة لمعاناة الملايين و و شغفهم، شوفت الخطاب من الاول،و مرسي قال شرعية 56 مرة، والله الموفق
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
