حقق الفيلم المصري "عبده موته" بطولة الفنان الشاب محمد رمضان والراقصة دينا خمسة ملايين جنية مصري خلال فترة العيد، وقد أثار هذا المبلغ استغراب واستهجان العديد من المصريين خصوصاً بعد قيام الراقصة المصرية دينا بالرقص على اغنية اعُتبرت مسيئة للدين الاسلامي بسبب كلماتها " يا طاهرة يا ام الحسن والحسين" عدا على نوعية الفيلم وما يحتويه من مشاهد وفي موقع التواصل الاجتماعي تويتر علق المغردون المصريون على الفيلم:
@engmsz وقالت الاسطورة:الشعب المصري متدين بطبعه..امال ال 5 مليون بتوع فيلم عبده موته دول مين اللي دفعهم :) ؟؟
@SaharSMohammed فيلم عبده موته عمل 5 مليون جنيه في اول 3 ايام عرض !! تصدقوا مش مجتمع همجي؟ ده مش مجتمع اساساً
@3Gezy بجد بستغرب جدا لما ناس تخش فيلم لشويه عالم بيئه زي دينا ومحمد رمضان وتلاقيهم بيقلك علي اوكا واروتيجا فن وابدع
@HazemRagy بعد تحقيق فيلم عبده موته اعلي ايردات في تاريخ السنيما المصرية , استطيع استيعاب سبب فوز الاسلاميين في الانتخابات
@ahmedmegahed21 أين شيوخ الأزهر مما جاء فى فيلم "عبده موته" من تعدى سافر على مقام السيدة فاطمة الزهراء بنت سيدنا رسول الله وسيدة
@tota_ro فيلم "عبده موته " محقق 5 مليون جنيه فى تلات ايام و طوابير عليه فى السينما عمار يامصر
@fawzy993 فىّ افلام بيتكب عليها للكبار فقط اما فليم عبده موته فهوا للسرسجيه فقط ،، بس يظهر الشعب كله طلع سرسجي. تحية الى كل سرسجى فى مصر
@shifoo85 8 مليون ايرادات فيلم عبده موته لغيه دلوقتي يعني لو حسبنا متوسط التذكره 20 جنيه هانعرف ان في حوالي 400 الف مغفل دخلوا الفيلم
@Midoosimoo لا حول ولا قوة إلا بالله | إيرادات عبده موته تتجاوز الـ6 ملايين خلال أيام العيد يلعن أبو إلي أقنع السبكي يسيب الجزاره ويشتغل منتج أفلام
@m_1st بلطجيه مصر كلهم هياخدو عبده موته مثلهم الاعلى بعد لما كان الالمانى مثلهم الاعلى :D ويرجعو يقلولنا مصر فيها بلطجه وتحرش
@ag_sha3la بيقولك فى ناس دخلت فيلم عبده موته 4 مراااااات والله لو ببلاش منا داخلك فيلم يا سبكى
@youmnaehab4 لما فيلم حقير زى عبده موته ده يحقق إيرادات 2 مليون جنيه فى أول يوم يبقى إحنا نستاهل يقرفونا بالأفلام الهباب دى
@mos_abdelnasser شوف نوعيه الناس اللي بتروح السينما ف العيد وانت تعرف ليه نجح عبده موته ..لأنه واحد منهم ..احنا هنا عايشين ف تويتر والحياه بره مختلفه تماما
@shinichi_kodo لما فيلم اسمه عبده موته كلو اسفاف وقله ادب يجيب اعلى ايراد يومى ف تاريخ السينما المصريه !! .. اعرفو ان المشكله فيينا احنا !!
@ETCH_just_1 الناس وخدة فكرة وحشة عن فيلم عبده موته مع أنه فيلم كويس
@_Mattar_ الشعب اللي دفع 5 مليون جنيه ف 3 ايام واداهم للسبكي في عبده موته عشان دينا هو نفسه الشعب اللي انتخب الاخوان و النور. يا دين امي ع الازدواجية
@cuoreamore1 عبده موته بيمثل نظره الشاب العشوائى لنفسه كام بقا منطقه عشوائيه فى مصر بها كام شاب من النوع ده فلا تستغرب فهذا هوه الواقع
@HoOoNy7 يعني بزمتكو فلم عبده موته ده ايه ...يعني لما واحد يخش فلم زي ده ويشوف الحاجات الي فيه عايزنو يطلع ايه مؤدب
@Hany0o اللى متضايق ان فيلم عبده موته حقق أعلى ايرادات احب اقوله ان90%تقريبا من الشعب المصرى بيشوف الفيلم كل يوم على الحقيقه,بصو للسبب الحقيقى الاول
@OmarSherif_ بيقولك الشعب المصرى بيحارب التحرش ! وفـ نفس ذات الوقت فيلم " عبده موته " محقق حوالى 5 مليون جنيه ! منك لله يا سبكى ....!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
