هاجم الإعلامي تامر أمين، طالبة كلية الحقوق بجامعة القاهرة التي تعرضت للتحرش الجماعي من قبل بعض الطلاب، متهمها بأنها السبب فيما حدث. وقال "أمين"، خلال برنامج "من الآخر" على قناة "روتانا مصرية": "الحقيقة أن اللبس مالوش علاقة بلبس الطلبة ولا لبس البنات، دا لبس رقاصات، إزاي أمن الجامعة سمح للطالبة تدخل باللبس ده.. اللبس مستفز ومثير ويفتن أكثر مما يستر، ويعري أكثر مما يغطي.. دا لبس شراشيح" مما دفع عدد من نشطاء موقع تويتر بشن هجوم عليه مطالبين بمقاطعة قناة روتانا مصرية:
@Jamila_Elkady دة على اساس اننا بنتفرج عليه وعلى القناه دى
@mody_smkaa اللى بيتحرش دلوقتى مش فارق معاة بنت لبسها ضيق ولة واسع بيتحرش وخلاص يعنى البنت السبب بلبسها بقيت قديمة شوفولكو حجة تانية
@Mahitab_Moh و قاطعوا اي قناة حد طلع فيها و برر التحرش باي سبب كان
@al3r1rafah قدعان يامصريين انتو اللي طيحتوا رئيسين ، اجبروا روتانا ع تآديب تامر وأمثاله
@Salma_El_Tarzi قبل ما تتشملل قوي وتبرر التحرش بلبس الست روح اتفرج على صور امك وجدتك زمان أيمام ما كنا لسة بني آدمين
@Saudi_phone سخيف جدا، يعني حتى لو البنت رايحة مفصخة مايعني انهم يهجمون عليها زي الحيوانات بدون اي كنترول، هي حرة تلبس اللي تبغاه
@amelsagr اللى يبرر الجريمة اى جريمة مجرم اما تامر امين فده فاحش ميستهلش حتى الشتيمة خسارة فيه
@SalahZulfikar كفاية طق حنك و قوم امسح القناة من الريسيفر حالاً و ابعت على تويتر قول انك مسحتها عشان غيرك يتشجع
@RevanNos7y لو احنا ف بلد محترمه بقي بجد ﻻزم يعتذر للبنت واهلها بكفايه ال حصلها واﻻهانه والضغط النفسي وزياط الناس
@Wa7damasrya لازم تقدم اعتذار رسمي للبنت و لكل بنات مصر ، التحريض على التحرش هو تحريض على العنف ضد المرأه و دي جريمه
@Salma_El_Tarzi قاطعوا روتانا مصرية لأنها لو موضحتش موقفها من تصريحات تامر امين المؤيدة للتحرش بالبنت اللي لبسها مش على المزاج فهي بذلك قناة تدعو للتحرش
@nina_raafat العورة مش في جسم البنت...العورة في عقل الراجل
@halahattab تعلن حركة ضد التحرش مقاطعة روتانا مصرية لما بدر من تامر أمين من إتهام بالباطل و ترويج للتحرش
@MasriaAwy الشباب الطاهرالبرئ زعلانين من تامر امين علشان بررالتحرش ببنت فى الجامعه كنتم فين والبنات بتعتقل وتغتصب فى المعتقلات
@Cinderellymary الفكرة إن هل فى عيلة تامر أمين كلها ولا واحدة إتعرضت لتحرش؟ مستحيل! طب هى شمال بقى على كلامك ولا إيه
@ezzovic مش بس برر جريمة التحرش لكنه كمان غلط في حق البنت بوصفه للبسها شراشير
@Mahienour هو الحقيقة الواحد مش بيتفرج عليها بس قاطعوا روتانا_مصرية عشان تامر امين متحرش .. مش ناقصة قرف كفاية المجتمع مطلع عقده على البنا
@OperationEgypt هما اللي اطلقوا قاطعوا روتانا مصرية كانت نخوتهم بارده ليه لما بنات خصومهم اتخدش حيائهن؟ مش اولي تقاطعوا اللي برر السفالة مهما كان؟
@Salma_El_Tarzi لأن اللي يشوف جريمة اعتداء جماعي فمياخدش باله الا من لبس البنت فعقليته عقليته متحرش بيبرر جريمة زملاء الكار
@Cinderellymary ايا كان لبس البنت ده ميديش الحق لأى حد إنه يلمسها و ده المعروف ف اى مكان متحضر!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
