أحيا نجلا الفنان الراحل محمود عبد العزيز، ذكرى رحيل والدهما الثامنة، وذلك من خلال حسابيهما على موقع (فيسبوك)، حيث نشر محمد محمود عبد العزيز وكريم محمود عبد العزيز صورة لوالدهما.
وعلق محمد على الصورة قائلا: (وحشتني.. بس كده جيت لحضرتك بدري المرادي عشان عيد ميلاد تمارا هانم حفيدتك بكره إن شاء الله وأنا متأكد أن حضرتك هاتبقى موجود معانا، الغريب إن المرادي لقيت حد مستنيني وبيسأل عليا بقاله يومين، عارف طلع مين؟ الراجل اللى اتكلمت عليه في برنامج صاحبة السعادة اللي جالي وأنا بصور في بورسعيد وإداني مصحف عشان اقرأ منه لحضرتك، طلع اسمه عم إبراهيم من بورسعيد جه لحضرتك مخصوص وفضل مستنيني عشان كان جايب هدية عشان عيد ميلاد تمارا، هاستأذن حضرتك هانزل صورتي معاه عشان أشكره على ذوقه، إحنا عايشين بحسك يا حاج وهانفضل كده إحنا وولادنا ولاد ولادنا).
بدوره كتب كريم محمود عبد العزيز: (8 سنين على أكتر يوم فارق في حياتي الله يرحمك يا أبو الرجولة كلها).
وقدم محمود عبد العزيز، عددا من الأعمال الفنية التي تظل محفورة فى وجدان المشاهد العربي ولعل من أبرزها(جبل الحلال، محمود المصي، راس الغول و رافت الهجان) وغيرها، أما في السينما فقدم كثيرا من الأعمال منها (الساحر و الجينتل).
