أعلنت الفنانة مي كساب عن طرح أغنية جديدة في عيد الأم بعنوان (حبيبة قلبي) من كلمات وألحان عزيز الشافعي.
وكتبت مي عبر حسابها على (إنستغرام): (طول عمري بخاف جدا أغني أغنية وطنية أو أغنية للأم، بحس إن فى عندنا فى التاريخ الموسيقي أغاني مهما عملنا مش هتيجي أبدا فى مستواها وطول عمري بحب أغني كلمات مش معتادة وألحان سهلة وبسيطة تتحفظ بسرعة من غير فزلكة)، حسب اليوم السابع.
وأوضحت مي: (يمكن الحظ ما ساعدنيش أني أخد حقي كمطربة، بس ده مش ذنبي للأسف، إحنا بنفتقد المنتج الموهوب الفنان المنتج اللي يهتم بموهبة حقيقية ويعرف يستغلها صح، معظم أو كل النجاحات اللى موجودة على الساحة اجتهاد فردي بحت فاقد لروح وجهد المجموعة وده مش صح، الفنان محتاج لمؤسسة تدعمه وتشتغل عليه وده اللي بتمناه وعندي أمل كبير جدا ان هيظهر المنتج الفنان وياخدنا على حصانه الأبيض).
