قرر الفنان المصري خالد سليم حلق شعره بالكامل على الهواء مباشرة، تضامنًا مع إصابة والدته بمرض السرطان.
خالد سليم يحلق شعره
سليم، الذي حلَّ ضيفًا في برنامج "كتاب الشهرة"، مسك آلة الحلاقة وقص شعره، مُشيرًا إلى أن حركته لها علاقة بوالدته لا أكثر.
وقال: "أنا هعمل حركة دي بس مش عاوز حد يفهمها غير أني بعملها عشان والدتي، لكل اللي جالهم المرض اللعين ده وكل الناس اللي فقدت أحد حبابيهم بسبب المرض القذر ده.. ربنا يتمم شفاءهم على خير".
وأثناء حلاقة شعره، بكى سليم لدى حديثه عن والدته، قائلًا: "شكلها كبر ولكن لسة شكلها قمر زي ماهي".
وتابع سليم كلامه: "قبل ما أكون فنان، أنا اتربيت كويس عشان كدا الناس حبتني، الحمدلله دا فضل ونعمة من ربنا، وأنا أنتمي لعائلة متوسطة الحال، كلها بتحب بعضها، أنا ثالت مولود، وكنت محاط بدفئ، وأنا كنت شاطر في دراستي، ومع الوقت بدأ أهلي يكتشفوا في موهبة الغناء، وحاولوا ينموها ودي حاجة كويسة، لأن فيه بعض العائلات بيهدموا مواهب أولادهم".
وأوضح سليم أن والده السند له، حتى لو كبر في العمر، لأنه يملك خبرات بالحياة.
وأضاف: "واحشني أوي الفول والفلافل اللي كان بيعملهم، وكان في آخر أيامه بيعمل أكل مش معقول، ودائما لما بشوف الأكل دا في البيت بفتكره وبحزن جدا".
