يبدو أن المرشح الرئاسي المصري حازم أبو إسماعيل يعيش أسوأ أيام حياته في هذه الفترة، فبعدما قاد مؤيدوه أكبر حملة له وقاموا بحملة واسعة بنشرهم لكمية كبيرة من البوسترات الخاصة به، انتشرت مؤخراً إشاعة تفيد بأن والدته تحمل الجنسية الأمريكية مما قد يخرجه من سباق الرئاسة، وكان موضوع جنسية والدة أبو إسماعيل حتى اليوم مجرد إشاعة يصر على تكذيبها باستمرار، حتى أن نشرت صحيفة "نيويورك تايمز" الأمريكية خبر أن والدة الشيخ حازم صلاح أبو إسماعيل، المرشح الرئاسي، قد أصبحت مواطنة أمريكية قبيل وفاتها، طبقًا للسجلات العامة بولاية كاليفورنيا. نسرد لكم بعض من تعليقات المغردين المصريين في هذا الخصوص:
@Karim_Magdy_ مرة واحد قال هنتعامل مع امريكا بندية ،، طلعت امة واخدة الجنسية
@twitgoodman الهرى فى موضوع الجنسية ده بيحسسنى باشمئزاز اننا بقينا عنصرييين_مع انى عارف ان معظمنا مش كده_احد نتائج خطأ الاستفتاء
@Kareem_Bassem البلكيمي كذاب و ابو اسماعيل كذاب و الإخوان كذابين، إدونا حد نحترمكم عشانه يا إسلاميين
@eternal_egypt إذا كان أبو اسماعيل لا يعلم الحقيقة بشأن جنسية أمه فتلك مصيبة وإن كان يعلم فالمصيبة أعظم
@ikiroo من الشعب المصري الي السيده ام ابن ابو اسماعيل شكرا لكي لاستقصاء نجلكم بسبب جنسيتك... ده جميل العمر الف شكر
@marynashedهي العلاقة بين الكرامة (سنحيا كراما) و الكذب طردية لا عكسية
@A7mdAnwar حازم أبو اسماعيل " الإنسان " .. يحب يقول ايه لحازم أبو اسماعيل " الكداب " ؟
@mhmdshatat ابو اسماعيل لو كان عارف وبيكدب يبقى مش كداب ..يبقى اهبل ..اكيد كنا هنعرف يعنى
@naderfahmy كأن لسان حال ابو اسماعيل يقول "يا شماته ابله ظاظا فيا
@for3onia الموضوع مش انك فرحان لأنهم طيروا المرشح الي ضد مرشحك الموضوع انهم بيستخدموا القانون لمصالحهم الشخصية وفي الوقت الي هما عاوزينه
@ezzatkamel يا خسارة الفلوس اللي اتصرفت ع البوسترات
@Abdelrhman_HA احنا كدا يا اخوان اتدبسنا في بوسترات بو سماعين، هنعمل ايه؟
@adham_marwan أبو إسماعيل يهدد هناك تزوير واضح للنيل مني.. والأمور لن تمر بسلام أبدا...يبقى هتنزل ع مفيش,بلاش فتحة الصدر دى,بتجيب ورا ف الاخر
@General_ak471 عايزين شيوخ من الصين شيوخنا امريكين
@Nouranelbakly كل الناس دلوقتي بتدعي لأم حازم ابو اسماعيل .. بركاتك يا حاجة
@mFnoOo حتي وان ثبت ان ام ابو اسماعيل معاها الجنسية .. فا ده لا يعني ابدا انه عميل ، ولا يعني قصد امريكا الاطاحة به .. كفاية سذاجة
@Gom3awy المفروض دلوقتي ان كل اللي بيدعو للمناصب السياسية بأسم الدين قد سقطوا في نظر الشعب ..المفروض يعني
@KafElGhazal مؤيدي ابو اسماعيل بيقولوا انهم عندهم استعداد للشهاده في سبيل الله عشان الشيخ يترشح شكلها حتقلب خناقة شوارع
@HebaOsama96 وعلي رأي الاخ مصطفي بكري : ماما امريكا ، ايوة امك انت
@RawanMGbr انا بالنيابة عن الشعب المصري حبيت اشكر الحاجة ام اسماعيل ع المعروف اللي عملته في الشعب كله و بدعلها بالرحمة الفاتحة للحاجة نوال
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
