نالت الحلقة الأولى من برنامج "البرنامج" للاعلامي باسم يوسف على قناة "CBC" استحسان جمهوره بشكل لافت وكبير، حيث انهالت التعليقات على البرنامج في مواقع التواصل الاجتماعي. وتميزت الحلقة الأولى بأنها كانت حلقة "ساخنة" للغاية وسخر فيها باسم يوسف من مذيعي قناة CBC عماد أديب وخيري رمضان ولميس الحديدي وعمرو حمزاوي ودينا عبد الرحمن، بأسلوبه الفكاهي بالإضافة الى سخريته من مشروع “النهضة” الذي رشح الرئيس محمد مرسي نفسه للرئاسة لتنفيذه:
@Michoo15 حلقة امبارح دي تاريخية بكل معنى الكلمة فقد لخصت الواقع المصري في كل حاجة وبالذات قصيدة السقا اي كلام كانت جامدة
@anaseraky1993 عزبزى الأخونجى الى عمال تشتم فى باسم يوسف بسبب انو جالك ع الجرح فى حلقة امبارح تستاهل يتقال عليك خروق .!
@AbouRital باسم يوسف فند مشروع النهضة بشكل بسيط يصل للمواطن بعيداً عن كل فلسفات النخبة التي ابتعدت عن الناس تماماً
@NasrChicharito مجرد ان شخص يجى بعد كل القرف اللى احنا فيه وينسينا مشاكلنا، و بلدنا الخربانة والمشهد السياسى اللى يسد النفس، و يضحكنا كده :)
@Nehal__Mohamed فى ناس قالت البرنامج وحش عشان بيقلد جون ستيوارت..ما يقلد يا عم هو جون ستيوارت كان جوز خالتك يعنى مش اتبسطنا وضحكنا.خلاص ولا هو اكل وبحلقه
@M_fOr_MiiMzii وعلى صعيد آخر .. عندي إحساس ان دي هتبقى آخر حلقة، هتوحشنا يا باسم :')
@Shadizm ومن اوسخ ما في الرأسماليه .. انها ممكن تحول برنامج باسم يوسف من تحفة فنيه مجانيه على اليوتيوب .. الى مسخ مشوه على اكبر قناة رأسماليه في مصر
@eslamfathy90 باسم يوسف انت ليك ثواب كبير عند ربنا لأنك خرجت ع الاقل كل الا بيتفرجوا عليك من حالة الهم والحزن ع البلد
sraaGad ماعجبتنيش أول حلقة خالص, بيحاول يثبت انه بقا ثابت ع مبدأه وهايهزأ حتى القناة الجديدة بس مأقنعنيش
@A7mad_Emam حلقة باسم يوسف مفهاش ضحك قوى و فيها استظراف كتير بس فيها شغل باين و مجهود و مضمون و موضوع يتناقش
@AhmedArafa3 كان ممكن توفير مصاريف من الديكور والإضاءة والمسرح وإستغلالها فى حلقة معدة بحرفية بدلا من تكرار إفيهات من الفيسبوك مصحوبة بشوية صور
@LaMu25zA بس بصراحة برنامج البرنامج امبارح حسيت انه ضحك ناس كتير من قلبها رغم الازمة الى احنا فيها اليومين دول :)
@Moniaashraf الناس-اللى مش اخوان طبعا- عاجبهم النص الاول من البرنامج لكن النص التانى شايفيين انه قلة ادب جامده جدا !
@seifmahmod باسم يوسف أحسن مذيع سياسي ساخر في مصر كفايه أنه مش بيخاف من حد
@Ahmed_Magdy94 باسم يوسف ..بيعلمنى انه لازم الواحد يغير تماما افكاره التقليدية عن ازاى يعمل تغيير سياسى و فكرى...الكتابة مش حل :/ محتاج افكر شوية
- باسم يوسف فى الحلقة الأولى كان مالوش حل كالعادة ولكن الحلقة كانت لا تخلو من الكثير من القلش خاصة بعد دخول أحمد السقا .
- يا جماعة هو انتو تهرجوا بيمزاجكو و ساعات تقلبوها نكد إلى كل اللى متفرجش على باسم يوسف فاتك عمرك كله
- طبيعي ان الواحد يعلق معاه جملة أو اتنيـن مــن الحلقـة ... لكــن ان الحلقــة كلهــا تعلــق معايا ... فدي جديــدة
باسم يوسف اول مذيع قناة تتعاقد معاه عشان يهزأ اللى بيشتغلوا فيها :)
- امبارح باسم يوسف وهو بيتريق على لميس الحديدى كنت حاسة انها هتدخل الأستوديو و تقتله هيهيههي بجد هي استحملت اللي اتعمل فيها
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
