تعرضت الفنانة بسمة، زوجة الدكتور عمرو حمزاوي، عضو مجلس الشعب السابق، للتحرش أثناء مشاركتها في الوقفة الاحتجاجية المنددة بحبس الصحفيين في قضايا نشر، بميدان طلعت حرب. الجدير بالذكر ان عملية التحرش هذه جاءت في الوقت الذي يقوم به مجموعة من النشطاء بعمل حملات لمكافحة ظاهرة التحرش، وقد لاقى الفيديو الذي سجل عملية التحرش التي تعرضت لها الفنانة بسمة العديد من التعليقات في موقع اليوتيوب نذكر منها:
- انا مش عارفه ايه الى حصل للمصريين كله عنف وشتيمه وقله ادب
- يا خسارة يا مصريين وصلنا لمتسوى متدنى من سوء الاخلاق و قلة الادب بجد المفروض المتحرش ده يأخد اعدام عشان يكون عبرة لغيره
- كل واحد بيقول يستاهلوا بيعرفنا ليه احنا شعب مش مؤدب .... يا رب ياللي بتقول يستاهلوا يتحرشوا بيك وساعتها هنقولك لو سلفي انك لابس جلابية قصيررررة ولو اخواني لانك لابس بنطلون بيجسم ...الله ينتقم منكوا بتنشروا التخلف
- لماذا لا يحترم حمزاوي وبسمة نفسهم وتلبس ملابس محتشمة
- مش طايق الاتنين واحد سياسي سقط من نظري والتانيه كنت بحسبها عاقله وثوريه طلعت بطيخه ما جمع إلا لما وفق لكن التحرش بيهم قله ادب بصراحه كتير اوي من الشعب المصري ميعرفش ربنا ولا يسمع عنه حتى
- حدث تحرش عادي يا جماعه ...بس المرة دي كانت في بسمة وحمزاوي لازم مراجعة مناهج التربية والتعليم علشان نقضي على الظاهره المتخلفه دي واحترم شجاعتك يا حمزاوي وبجد انت راجل
- هي دي اخره اللى يروح يعمل مظاهره مع الفلول هيتحرشوا بيه وبمراته
- أنا متهيألي إن ده مش تحرش ولا حاجة ده مجرد شوية متخلفين شافوا واحد مشهور وواحدة مشهورة فراحوا يتلصقوا فيهم وخلاص
- كلمة تحرش ليها معانـى كتير تحرش جنسـى و تحرش لفظـى و تحرش جسدى يعنى الواحد يحتك بحد و يحاول يعمل معاة مشكلة دة أسمو تحرش !! مش التحرش الى فى بالكم يا عالم يا بيئة
- انتو هتمثلو انا مش شايف تحرش الموضوع كله خناق وزحمه ناس مش عوزاه وناس عوزاه عاادى يعنى خليتو بقى شعب كامل يبقى مش كويس علشان الهبل ده
- انا مش مصدقه انو دول شباب مصر لانو عمرهم ما كانو كدا شبابها معروف انو محترم و شهم الله يهديهم
- طب اتحرش ببسمه مناشى لكن عمرو حمزاو ى الواد شك فيه للدرجه دى ياجدعان حد يقولوا يحلق شعره
- مع اعتراضي مع الممثلين بصفة عامة ولاكن الي بيحصل ده سفالة وقذاره ازاي واحد مش يأمن في وطنة حسبي الله ونعم الوكيل
- مفيش اي حاجة في الفيديو
- أعتقد ان التركيز على موضوع التحرش في مصر هالايام لصالح المصريين على الاقل نشوف استنكار على مستوى شعبي لانه اثير بالاعلام اي سائح لمصر يقدر يشوف التحرش ان كان بالكلمات او اللمس نسبة المفروض ما ينسكت عنها
- شباب فوضوي همجي غير متحضر يدعون ان مصر منبع الحضاره أين الحضاره بهذا الفيديوا
- مع طبعاً رفضي لما يحدث للدكتور عمرو حمزاوي وزوجته إلا أنني أري أن مثل هذا الموقف مراهقة سياسية منه ، أن يأخذ زوجته وينزل مثل هذا المكان في مثل هذه الجواء ومع كل نسمعه لا يليق بمن يُعلمنا السياسية أن ينزل لـوسط البلد !!
- هذه هى الحرية التى تنادى بها يا فاسد حرية الفساد يا حمزاوى عندما تخدعون الجهلاء وانتم لستم الا عملاء للخارج لمحاربة المسلمين و المشروع الاسلامى
- تحرش ايه !! انا مش شايف غير ناس بتحاول تضريهم وناس تانيه بتحامى عنهم !! ودى بتحصل فى كل حته بقت تحرش!!!!
- الشعب ضحية النظام السابق ....النظام اللي خلى اخلاق الناس تنحدر الى هذا الحد ... لكن ربنا يهدي الجميع والموضوع حياخد وقت لكن المصريين شعب طيب القلب وان شاء الله يتحسن اسرع من غيره
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
