أعلن البنك المركزي الكويتي عن طرح الاصدار السادس الجديد لأوراق النقد الكويتي للتداول اعتبارا من 29 شهر يونيو المقبل الذي يتضمن جميع فئات أوراق النقد، وطرح البنك المركزي صورة لشكل العملة الجديد وقد أثار شكلها موجة من التعليقات التي لم تخلو من الطرافة في موقع تويتر تحت هاشتاغ #العملة_الكويتية_الجديدة:
@Nani_Ashkanani منو اللي مصمم الفلوس؟ برايي المتواضع ،كلش ملش ،ما عنده أي حس فني ،كل العملات القديمة ،أجمل
@extara الحين لازم يغيرون كتاب الوطنية الله يعين الجهال على هالسؤال ماهو وجه الاختلاف بالعمله الكويتيه الحديثة
@Rashedjrees شدعوة مستانسين على العملة الجديدة ترى مو زيادة بس مغيرين شكل العملة عادي ماراح يزيدونكم شي
@MutlaqAlsanad يعني حلم الشعوب بالعمله الخليجية الموحده في مهب الريح !!
@LaaHooB_Q8 العملة الكويتية الجديدة بلاستيكية صنعت من مادة " البوليمر" وهي مقاومة للحر والرطوبة والغبار لمن يستهزأ
@F6oOom_Eltoot بس فلوسنا القديمة احس احسن لان فيها تراث اكثر سفن وبنات صغار يلعبون العاب قديمه وهيك يعني اليدد حسيتها ماكنتوش :)
@lazerq8 شبيه لأوراق لعبة المانبولي :)
@Jyzelloo لعندا كاش عملة قديمة وخارج الكويت شيسوي سؤال يطرح نفسه؟!
@faisal_aladwani نحن لا نحتاج لتغيير عمله ، نحتاج لبناء مستشفيات وطرق وجسور والقضاء على الزحمه
@jamalmjamal للحين ماني فاهم شنهي مشكلة البعض بتغيير العملة الى الافضل ماكو شي عاجب للاسف
@AHMaDNOORY82 العملة القديمة فيها بعض معالم الدولة مثل ابراج الكويت الجديدة شنو فيهااا ؟؟؟
@KuwaitAbeer ألحين تعال فهم الخدم إن العملة تغيرت لما تعطيهم المعاش :) وتعال فهم الأطفال العملة تغيرت راح تسمع أنواع البجي :)
@Abdullatif_kh مهما غيرنا من الشكل لا يهم ما يهم المضمون. شكل العملة غير مجدى مقابل القيمة الشرائية لها.
@Q8_at_BocaRaton برهان لإنحدار الحس الإداري والفني وعدم وعي الشخص او الشخوص الذين اقروها للذوق العام.
@omalhawajer خطوة موفقة تغيير العملة الكويتية .، رغم كل شئ لازالت الكويت تحافظ على مزايا الدينار الكويتي بكل المقاييس
@ME_AmaryllisQ8 للعقول السطحيه بسكم تشمت ! من منافع العملة الجديدة عدم التزوير وغسيل الأموال ..من وجهة نظري وشكرا
@FalRoumi النصف دينار عليها صورة سلحفات.. ممكن اعرف شنو تمثل هل السلحفات؟ التنمية مثلا؟ محاربة الفساد؟ ولا قصدكم الشعب
@Eng_Nawaf_7 ألوان العمله الجديده جايه مع موضة هالوقت اخضر احمر وردي ازرق
@yousf99 العملة الجديدة يحتاج لها تمايز بالألوان شوي ،، رأفة للأشخاص اللي نظرهم ضعيف ..!!
@himohimo23 الكويت هي الدولة الخليجية الوحيدة اللي وزاراتها مباني مستأجرة مع انها دولة غنية! ياليتهم طوروا الكويت قبل العملة
@Fahad5q8 ابتلشانا البنات الصغار يرضون بالربع علشان فيه صورة بنات ونقولهم هذا مال بنات الحين العشرين ماترضيهم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
