كشفت الفنانة المصرية صفاء جلال العديد من جوانب حياتها الشخصية والفنية خلال حلولها ضيفةً في برنامج "كلام الناس" مع الإعلامية ياسمين عز.
صفاء جلال ودور الراقصة
ولفتت صفاء جلال إلى أن زوجها اشترط عدم تأديتها دور راقصة بعدما لعبته في مسلسل "امرأة من زمن الحب"، ورضخت لأوامره حتى لا تغضبه.
وقالت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".
صفاء جلال وعملية النحت
وأشارت صفاء إلى أنها أجرت عملية نحت لجسمها بسبب زيادة وزنها، وقالت: "عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".
وأضافت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقت بكمل دايت وبروح الجيم".
وأوضحت إلى أن الأمر يكون صعبًا على المرأة التي يتجاوز عمرها الـ45 عامًا مقارنة بالفتيات في العشرينات من عمرهن، وقالت : "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله".
