نشرت الفنانة منى هلا على صفحتها الشخصية بموقع التواصل الاجتماعي «إنستجرام»، صورة لوجبة خفيفة أعدتها لنفسها ، مشيرة إلى أن تناول السيدات فاكهة اليوسفي والأناناس والموز يخلصهن من تجاعيد الوجه دون الحاجة إلى الماسكات الصناعية.
وقالت «هلا»، معلقة على الصورة: «اليوسفى الفاكهة المظلومة، يمكن عشان رخيصة ومتوفرة فالناس بتتعامل معاه بإهمال , المهم يعنى اليوسفى غنى بفيتامين A , E , C، طبعًا للوقاية من نزلات البرد فى الشتاء عظيم، وكمان بيساعد على خفض سكر الدم وتنشيط ضخ الدم فى الأوردة وللقلب، عشان كده مفيد لمرضى السكر جدًا».
وتابعت: «الفاكهة مبهجة في الصباح وللبنات الحلوين إللى خايفين من التجاعيد بدل ما تنزلي تصرفي دم قلبك على الكريمات، تناولي كل يوم طبق فاكهة على الريق هتلاقي الموضوع فرق جامد».
