جمعت حملة معارضة تحت اسم "تمرد" تهدف لسحب الثقة من الرئيس المصري محمد مرسي والدعوة لانتخابات رئاسية مبكرة اكثر من مليوني توقيع بعد نحو عشرة ايام من اطلاقها، وانطلقت حملة "تمرد" المستقلة في الاول من ايار/مايو في ميدان التحرير قلب الثورة المصرية بهدف جمع 15 مليون توقيع على استمارات تدعو لسحب الثقة من الرئيس مرسي المنتمي لجماعة الاخوان المسلمين واجراء انتخابات رئاسية مبكرة.وفي موقع التواصل الاجتماعي اثارت هذه الحملة جدلاً واسعاً واراءً متضاربة:
- بدلآ من حملة تمرد او تجرد نريد حملة لجعل جميع المحافظات مثل محافظة دمياط فى شعبها المنتج والذى ليس عنده وقت لأى تفاهات
- استمارة خلع مرسى حملة اسمها تمرد بتجمع توقيعات عشان يوصلو 15 مليون توقيع بخلع مرسى وبعد كدا يقدموها للجيش ولحد الان العدد 4 مليون
- مش فاهم اللى بيقولوا حملة تمرد دى أحسن من المولوتوف (على اساس إنهم فلحوا بالمولوتوف) إحنا هنفتكس؟ ؟ طيب ما نلعب على الارض و الغالب مستمر
- أنتقد أداء الرئيس لكن أرفض حملة تمرد لا يمكن لجمع توقيعات أن يلغى انتخابات جمع التوقيعات لسعد زغلول كان ( تفويض شعبى ) ليس لمنصب رسمى
- حملة مؤيد او الاهتمام بحملة تمرد ..يعطى شعور بأن شرعية الرئيس مهتزة وبحاجة الى توقيعات على ورق دشت ..بطلوا مراهقة سياسية يامؤيدى الرئيس
- معلومه : الاستماره الي بيتصور معاها المواطن المصري في حملة تمرد بمائه جنية لو سمحت انا عندي في العائله 100 فرد و نقدر كل واحد يوقع 1000
- مش فاهم اللي بيشتموا في تمرد.. وشايفين انها حملة فاشلة.. لما هي فاشلة بتحاربوها ليه يافشلة؟
- حملة تمرد ليس لها قيمة قانونية لكن سيتم توظيفها إعلاميا لتكون غطاء سياسى لأى أحداث هتحصل فى الشارع من مظاهرات أوبلطجة وتخريب
- اعلن اننى ضد حملة تمرد لسبب بسيط ان كل اللى بينضم اليها هى نفس الوجوه الذى عفى عليها الزمن وتعفنت من الفساد
- حملة تمرد لا تنسب الا للقائمين عليها ده بمناسبة ان كتيير ممكن يركبو وهيحاولو يتكلمو باسمها وكانها متنفسهم ادعم وانت ساكت وبطل انتهازية فارغة
- في ناس اول ما بدءت حملة تمرد استهانوا بيها وهاجموها ..واول ما بدأت تكبر سكتوا وقاعدين زي عوانس الفرح مستنينها تفشل
- الطريف هو أن بعد حملة تمرد إن نجحت و حدثت انتخابات رئاسية مبكرة , أن ينجح مرسى مرة أخرى
- حملة تمرد بيلموا بصمة مش إمضاء لإن أغلب مؤيديهم من الأميين؟!؟ ونسبة البصمات في الحملة تقريبا ٧٥٪
- حملة تمرد هدفها مش اسقاط الرئيس.. هدفها احراج الرئيس.. هدفها انه يتكسف ويحس على دمه.. وواضح ان ده هدف اصعب بكتيييير من اسقاطه! :)
- قالك حملة تمرد قال:D عاملين حملة عشان يشيلو مرسي اللي بقالو سنتين مش عارف يخلي مصر جنة :D :D ده وحش قوي مرسي ده يا جدع.. جتكو القرف بلا نيله
- إيه الهبل والعبط ده حملة تمرد إيه وزفت إيه ياعالم اشتغلوا حاجة تنفع البلد وبعدين مين اللي قال الجاليات المصرية بالخارج تدعم الحملة كلام كدب.
- تعتبر حملة "تمرد" لسحب الثقة من الرئيس محمد مرسي، من أنبل الدعوات، التي تقف في وجه النظام.
- حملة تمرد حاجة كويسة و شباب زى الفل بس بصفتى واحد عايش مع ناس من اﻻخوان الانتخابات الرئاسية المبكرة ديه على جثة اﻻخوان
- ما الفائدة من من حملة تمرد وحملة تجرد الا تعميق الصدع بين المصريين والخاسر الاكبر هو المواطن الزي يدفع فاتورة المراهقة السياسية للفريقين
- واحد إخوانى معايا فى الشغل بيقولى على حملة تمرد "خليهم يتسلوا" ..... ده التاريخ أتفشخ من كتر مابيعيد نفسه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
