لم تستطع الفنانة إلهام شاهين تمالك نفسها فور مشاهدتها فيديو الشيخ عبد الله بدر أثناء هجومه عليها خلال استضافتها مع هالة سرحان في برنامجها «ناس بوك». إذ بكت الفنانة المصرية، مؤكدة أنّها المرة الأولى التي تستمع فيها إلى هذا الفيديو. وانفعلت شاهين ولم تتمالك أعصابها فعاتبت هالة سرحان على عرض الفيديو قائلة: “ليه كده يا هالة؟ دي أول مرة أسمع فيها الكلام ده؟”. وعلى الفور، قامت سرحان واحتضنتها وحاولت تهدئتها. ولاقى الفيديو العديد من التعليقات عند تحميله في موقع اليوتيوب منها:
- فعلا انا مع الفن لكن نقدم اغراء وعري وبعدين نقول رسالة لا
- الموضوع بسيط جدا الله احكم الحاكمين وهو يحكم بيننا بالحق في يوم حساب تعالي بفنك واعمالك والشيخ يجي باعماله وكل واحد فينا هيجي باعماله او زي ما قالت كلنا سفراء اعمالنا تب علينا يا رب
- افلامك مبتعجبنيش واتجاهك الفلولى مبيعجبنيش بس عمرى ما هشتمك والا اقول عليكى حاجه لو حتى مش هحترمك انتى هحترم نفسى مينفعش حد يتهم حد بالزنا دى جريمه فى الدنيا والاخره
- يا سبحان الله بتستشهد بالقرآن والأخ اللى معاهم بيقولك روحوا عن القلوب ساعه بصراحه فيديو مستفز وفى الاخر انتو اللى مش بتفهمو وبتقولك مصر فيها ايه الا فنانين وثقافه وسياحه ههههههههههه بصراحه كلام غريب من شخصيه غريبه
- و الله الشيخ عنده حق و بعدين هي بتسأل كلام الشيخ ده بأي دين و بأي أخلاق .. يبقى أفلامك و مشاهدك دي بأي دين و بأي شرع
- انا ضد اسلوب الشيخ وكلامه بهذا الشكل .. لكن سؤال لالهام شاهين وغيرها .. الم تقدموا فن ساقط ؟؟ لاحظي انك انفعلتي لانه قال هذا الكلام امام بشر .. فكيف اذا سالك رب البشر وانت امامه وامام الخلق جميعهم ؟؟
- في وجهة نظري إلهام شاهين أفضل من هذا الشيخ، اللى كلامه لا يدل على أي تدين
- بيدعو الناس للاسلام بطريقه تنفر الناس منهم حسبي الله ونعم الوكيل فيكو كلكو يا تجار الدين
- ولا الأزهر موافق علي الي انت بتعمليه و بعدين بتقول فين الرأيس من الكلام ده .. ده علي أساس ان الريس فاضيلك يشوف الناس بتقول عليكي ايه ؟ و كانت بتسأل من يقبل الكلام ده ؟
انا اقبله ايوة
- كرامة الرئيس - الرئيس مواطن عادي وين كنتي ايام مبارك !!!!! كنتي تسترجي تحكي عن مبارك مواطن عادي
- عصر اسود نعيشه فى عصر التجارة بالدين من اجل السياسة لم تهاجم الهام شاهين بسبب افلامها و لكن بسبب مواقفها السياسية المعلنة مؤخرا اوسخ ناس تجار الدين والنخاسين الذين يشترون بآيات الله ثمنا قليلا
- الفنانين مفسدين في الارض نشرو الفساد والانحلال ويجب ارجاعهم الى حجمهم الحقيقي ومواجهتهم بحقيقتهم الفاسده لأن الاعلام الفاسد كبرهم اكتر من اللازم ومصورهم زى الملايكه وهم فساد في فساد
- هى مصدومه م اللكلام ده ليه ..؟؟؟ هى اول مره تسمعه ولا ايه ؟؟؟
- أعتقد الدين منكم براء...هل قال الدين أن يسب المؤمن أخيه المؤمن؟ حتى لو على خطأ إتق الله يجعل لك مخرجاّ
- كانت تقدر تقول لمبارك مجرد موظف كان وظفها في ابو زعبل الاخت اما بالنسبة للفقهاء الي معاها قاعدين ده موضوع تاني وكفاية تشبيهها مشاهدها بآية من القران
- انا بس عايز اعرف فين الفن الي هي بتقدموا انا اتحدي أي حد يقربلها انه يعرف اخر مسلسل عملته ايه ؟
- فعلا قداامنا سنين لحد ما نتخلص من الدمامل الى خلفها مبارك وكلابه وللاسف ان الاعلام بيطلعهم ضحايا رغم انهم افسدو عقول وفكر شعب بكامله لمدة 30 سنة
- يا جماعه فيه حاجه أسمها أدب الحوار عيب على شيخ يقول الكلام ده وهوه محاسب عليه قدام ربنا ف الآخر المفروض يكون كلامه مهذب وعاقل ويحترم الآخرين ولاكن ينتقدهم بثقافه وفكر عالي
- الرئيس بئا موظف .. ولما كانت بتبوس الأيادي لمبارك كان الرئيس الملهم !!!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
