نشرت فتاة مصرية عبر حسابها على موقع "فيسبوك" صورة توثق فيها لحظة التحرش بها من قبل أحد الشباب في ميكروباص في خط "حلوان ـ التبين".
وعلقت الفتاة وتدعى "شروق.أ": "دي تقريبًا أول مرة أقتنع إن معندناش رجالة، والصورة دي لسه حاصلة معايا حالًا، أول حاجة عملتها إني صورت عشان لما يقول معملتش يبقى أعرف أرد عليه".
وانتابتها حالة من الصدمة عندما رفعت صوتها على المتحرش، وإذا برد فعل الركاب: "خلاص يا آنسة.. معلش خلاص".
وتابعت: "يعني رجالة كبار بشنبات بيقولولي أسكت لما واحد يمد إيده عليا، ده أنا أصحابي أرجل منهم"، مُوجهة حديثها للفتيات: "إحنا معندناش رجالة فخدي حقك منك ليها واخشوشنو، ويبقا حد يجي يقوللي أصل لبسك مستفز".
وأكدت أنها كانت في طريق عودتها من إحدى الدروس الخصوصية، موضحة "ولو مش درس هتقدروا إزاي تحبسوا البنات في البيوت عشان إنتوا حيوانات مش قادرين تمسكوا نفسكم عن بنات الناس، لبسي مش ضيق وشي مش شايفه، شوفوا حجج تبرروا بيها غير دي".
وتم تناقل الصور التي نشرتها "شروق" لأكثر من 3100 مستخدم.
لمزيد من اختيار المحرر:
